Tuesday, May 30, 2017

Qershitë kundër celulitit



Jemi pikërisht në stinën e qershive dhe kjo është një mrekulli.
Ato gjenden kudo dhe fare lehtë. Stina e fundpranverës dhe verës na favorizon të zgjedhim e të konsumojmë prej tyre sa të dëshirojmë. Ne kemi folur për të mirat që na sjellin në organizëm dhe për mrekullitë e tyre, por sot do t'ju japim një recetë kundër celulitit.

Qershitë forcojnë indet e lëkurës, përmirësojnë qarkullimin venoz, kanë efekt drenues dhe tonifikues.

Kjo recetë dekokti që po shkruajamë tani, në fakt ndihmon edhe ato që vuajnë nga rrugët urinare.

Receta:

- 250 ml ujë i pastër
- 10 gramë bishta qershie të thara në diell
- 10 gramë qershi të ndara përgjysëm

Përgatitja:

Valojmë mirë ujin. E fikim zjarrin dhe në ujin e valuar hedhim 10 gramë bishta qershie dhe 10 gramë qershi. I lemë në gjendje të qetë për 10 minuta të mbuluara mirë.

Pas 10 minutash e filtrojmë këtë dekokt dhe e hedhim në një shishe qelqi për ta ruajtur në frigorifer. Do të pimë 3 herë në ditë nga një gotë, të ëmbëlsuar me mjaltë ose thjesht të pa ëmbëlsuar.

Pijeni këtë dekokt për gjatë gjithë verës dhe do të shihni se rezultatet do të jenë shumë të kënaqshme.
 



Konsumoni të paktën 25-30 qershi të freskëta në ditë për të ndihmuar në tretjen e dhjamit në të gjithë trupin.

Jemi pikërisht në stinën e duhur. Shijojini dhe zbukurohuni me mirësitë e tyre!


Ndiqni faqen tonë zyrtare Arbëria për të gjitha këshillat që ju duhen dhe që ju vlejnë për një shëndet të mirë dhe bukuri të përjetshme.

 
 

Friday, May 12, 2017

Trajtimi i celulitit

Një ndër problemet më të mëdha të shekullit të fundit është celuliti. Vërtet mund të kemi një fytyrë të bukur, lëkurë të pastër dhe flokë të shkëlqyeshëm, por kur vjen puna tek celuliti, ai na shkatërron të gjithë imazhin e perfektes por problemi nuk qëndron vetëm këtu. Celuliti na tregon se nuk po ushqehemi siç duhet, se nuk jemi të shëndetshme, se diçka nuk shkon mirë në organizmin tonë. Është një sinjalizim që kërkon nga ne të tregojmë më shumë vëmendje për ushqimin dhe aktivitetin fizik.Është e padiskutueshme që ushqimi ka një rol kyç po aq sa është e padiskutueshme që femrat pasive (jo shumë aktive në disiplina sportive) vuajnë më shumë nga ky problem. 


1. Këshilla primare është ushqimi i shëndetshëm, i papërpunuar, i pakonservuar.

 
Ushqimet e tokës ku përfshihen fruta, perime, zarzavate, të freskëta të rritura në zonën tuaj më të afërt. Sa më të freskëta e të sapo këputura të jenë ato, aq më efikase dhe të shëndetshme janë për organizmin, shëndetin dhe bukurinë tonë. Mos i gatuani shumë perimet, sa më pak të ziera aq më shumë vlera ruajnë. Të skuqurat nuk i këshillojmë shumë por nëse i preferoni, të paktën skuqini me vaj ulliri të cilësisë së parë.


Frutat shfrytëzojini me të gjitha mënyrat e mundshme. Të plota, shtrydhini për të për përftuar një lëng të freksët ose përgatisni smoothie duke bërë kombinime ekzotike super të shijshme. Pranvera dhe vera na ofrojnë një larmi ngjyrash e shijesh.

Konsumoni shumë sallatëra dhe supëra. Mos u kurseni në shumëllojshmëri, forma e ngjyra. Të gjitha shijet janë të çmuara dhe të gjitha ofrojnë vlera të pazëvendësueshme. 

Hidratojeni trupin me ujë të mjaftueshëm përveç lëngjeve të frutave.
Uji është një domosdëshmëri për mbarëvjatjen e shëndetit dhe bukurisë. Sasia mesatare për femra është të paktën 1 litër e 1/2 ujë në ditë.


2. Këshilla e dytë është Aktiviteti Fizik.  

 


Angazhohuni në stërvitje dhe ushtrime intensive të paktën 30 minuta në ditë.  Nëse e shtoni gradualisht minutazhin, do të ishte një gjë akoma më e mirë. Deri 1 orë stërvitje në ditë është idealja për të mos pasur kurrë celulit.

Përdorni biçikletën në vend që të merrni autobuzin.



3. Çfarë ofrojmë ne?



Me produktet që ne ofrojmë, ju mundësojmë të bëni trajtime SPA dhe Rituale bukurie në shtëpitë tuaja sa herë të dëshironi. Krijoni një ambjent të ngrohtë që gjithçka të jetë magjike. Muzikë të qetë me zë të ulët, qirinj ngado, vajra esencialë, terapi, trajtim dhe çlodhje.


4. Çfarë të zgjidhni?

1. Skrab me kafe dhe arrë kokosi posaçërisht për të trajtuar celulitin. Përveç aromës fantastike që ka, ky skrab tonifikon këmbët dhe pakëson celulitin në mënyrë të dukshme. Do t'ju lëri një ndjesi çlodhjeje fantastike dhe lëkurë super të mëndafshtë.


Masa: 200 gramë - Çmimi: 15 mijë lekë të vjetra.


2. Skrab me Alga për të eliminuar celulitin, tendosur lëkurën dhe për të larguar toksinat. Algat e detit janë të famshme për të kuruar probleme të tilla dhe për të rinuar lëkurën e trupit apo fytyrës. Në këtë rast algat bëjnë një punë shumë të mirë në trajtimin e masës dhjamore që gjendet nën lëkurën e këmbëve. 

Masa: 200 gramë - Çmimi: 25 mijë lekë të vjetra.

3. Përzierje prej 5 vajrash bimorë, formuluar për të nxitur qarkullimin e gjakut dhe për të minimizuar celulitin. Ndërkohë që skrabet kanë efekt drenazhi dhe pakësim të masës dhjamore, përzierja e vajrave bimorë, nxit fuqishëm qarkullimin e gjakut, tonifikon dhe shtrëngon lëkurën duke bërë që celuliti të venitet gradualisht.

Masa: 110 ml - Çmimi: 15 mijë lekë të vjetra. 


Ju mund të zgjidhni njërin prej skrabeve dhe përzierjen vajore për masazh. Efektet do të jenë akoma më të dukshme dhe afatgjata, nëse trajtimet shoqërohen me një dietë të pasur ushqimore dhe aktivitete të rregullta fizike. Nëse dëshironi ta përgatisni vetë skrabin anticelulit është shumë e thjeshtë. Mjafton të keni në shtëpi kafe të bluar, vaj kokosi dhe sheqer ose kripë të bardhë.



Skrabi i përgatitur me vaj kokosi 100% natyral.
Pas skrabit mund të bëni masazh me përzierjen e vajrave anticelulit.


Mundësojini vetes kënaqësinë e trajtimeve mbretërore me produkte natyrale, ushqim të shëndetshëm dhe sporte e në fund shijoni rezultatet!

 
Për produktet e lartpërmendura ne ju mirëpresim në dyqanin Bimë Mjekësore.


Për ju që nuk e dini adresën tonë, ju rikujtoj se na gjeni vetëm 30 metra larg qendrës Stefan (tek Pazari i ri), përballë me Eurodenta. 

Orari 12:00 - 19:00.




Saturday, May 6, 2017

Qumështi i Artë - shëruesi i shumë sëmundjeve

 Material i përgatitur nga: Arbëria

Kurkuma ka cilësi të forta shëruese të zbuluara dhe të pranuara së fundmi nga mjekësia moderne. Ajo është shumë më e fuqishme se 14 lloje ilaçesh kundër depresionit, dhe mbi të gjitha, pa efekte anësore. Kurkuma detoksifikon dhe pastron mëlçinë dhe gjakun, largon dhimbjet e artritit, dhe ndihmon të biem nga pesha.

Për të përgatitur këtë pije shëruese na duhen vetëm TRE përbërës natyralë. Kombinimi i tyre arrin të bëjë mrekullira në organizmin tonë.



Lexoje materialin dhe Shpërndaje për të informuar sa më shumë miq.

Kjo është një recetë e lashtë indiane trashëguar brez pas brezi. Përbërësi kryesor në këtë recetë është Kurkuma (Turmeric). Mjekësia moderne, më në fund ka vërtetuar dhe pranuar cilësitë kuruese të kësaj bime. Kohëve të fundit ajo është bima më e studiuar nga shkencëtarët. Vetitë dhe përbërësit e saj mjekuese, kanë qenë subjekti i rreth 5600 studimeve biomedikale, të publikuara nga shtypi. Studimet e shumta lidhur me këtë bimë të shenjtë, kanë nxjerrë në pah rreth 600 cilësi terapeutike & kuruese.
Kurkuma është një rrënjë që është përdorur për mijëra vjet nga kultura të ndryshme. Ajo është veçanërisht e famshme për cilësitë mbrojtëse ndaj mëlçisë deri në parandalimin e kancerit, dobishme për tretjen, stomakun, si edhe për sistemin imunitar. Kurkuma mund të ndalojë aktivitetin e disa enzimave të mëlçisë, të cilat i shndërrojnë disa toksina ambientale, në Karcinogjene. Kurkuma i ç’aktivizon këto karcinogjene që gjenden edhe tek duhani duke mbrojtur organizmin nga dhjetëra dëme të tij. Kurkuma nxit rritjen e enzimave që tresin sheqerin dhe yndyrnat, dhe ndalon formimin e pllakëzave të kolesterolit. Kurkuma gjithashtu ndalon prodhimin e staminës në stomak, ndalon zhvillim e bakterieve si edhe acarimin e gengivave pasi ndalon aktivizimin e një geni që krijon kimikate tepër irrituese. Nëse nuk ka irritime, infiamacione, bakteriet nuk rriten dhe nuk shtohen (pasi vendet e irrituara janë shtëpia e tyre). Kështu eliminohet edhe era e keqe e gojës dhe gengiviti.

Përbërësi kryesor i kurkumës është Kurkumina – Polifenoli i identifikuar si përbërësi kryesor aktiv i cili ka rreth 600 cilësi kurative shumë të fuqishme.


Nëse recetës që do të shpjegojmë më poshtë, i shtojmë piper të zi, bioaktiviteti i kurkumës do të rritet me 2 000 % !


RECETA:

1/8 lugë çaji me kurkuma 1/2 filxhan çaji me ujë 1 filxhan qumësht (bajamesh ose kokosi të prëgatitur vetë).
1-2 lugë gjelle me vaj bajamesh ose kokosi (100% natyral, pa konservantë)
Pak piper të zi
Mjaltë organik

Ziej ujin me kurkumën duke i përzier vazhdimisht. Temperatura e nxehtësisë duhet të jetë mesatare, dhe zierja duhet të zgjasi 8 minuta. Ndërkohë duhet të jeni duke valuar qumështin në një enë tjetër. Pasi të kenë zier të dyja (uji me kurkumën nga njëra anë, dhe qumështi në anën tjetër), përziejini bashkë. Në fund shtoni piperin e zi (një majë luge) dhe mjaltin. Përzieji mirë dhe shijoje këtë pije kurative. Para se të flini, pini një gotë të tillë për 40 ditë rrjesht nëse keni probleme me artritin.
Kurkumën mund ta përdorni edhe në gatime të ndryshme si erëz, ose të përgatisni çaj apo edhe smoothie.

Cilësi të tjera kururese & mjekuese

Parandalon kacerin
Kuron problemet e frymëmarrjes dhe kollës
Lehtëson dhimbjet menstruale
Kuron ftohjet / gripin
Pakëson dhimbjet e çfarëdolloji
Kuron pagjumësinë
Detoksifikon dhe mbron mëlçinë
Kuron artritin
Rigjallëron & pastron gjakun
Qetëson stomakun
I bën kockat më të shëndetshme e të forta
Qetëson & kuron depresionin
Ndihmon sistemin kardiovaskolar
Rigjeneron qelizat e trurit (Dr. Mercola)

Nga studimet intensive dhe të thella shkencore gjithashtu konfirmohet se Kurkuma ka edhe 175 ndikime psikologjike të fuqishme. Ajo mund të krahasohet me 14 ilaçe farmaceutike të ndryshme.
Ja disa prej tyre:

Lipitor (ilaç kundër kolesterolit)
Corticosteroids (steroid medications)
Prozac (antidepresantë)
Aspirinë (qetësues dhe hollues gjaku)
Qetësues si p.sh. ibuprofen.
Oxaliplatin (ilaç që merret pas kimioterapisë)
Metformin (ilaç kundër diabetit).

Qumështi i artë është një alternativë shumë e mirë edhe për në mëngjes, nëse doni të hiqni dorë nga kafja.


Kurkumë të një cilësie shumë të lartë gjeni në dyqanin Bimë Mjekësore.


Na vizitoni në dyqanin tonë Bimë Mjekësore, vetëm 30 metra larg qendrës Stefan (tek pazari i ri). Orari 12:00 - 19:00. 

Wednesday, March 1, 2017

Mielli i tërshërës - Vlerat dhe përdorimet e tij

Material i përgatitur nga ''Arbëria''


Tërshëra - Dobitë dhe përdorimet 

Avena sativa. L  -  Ilustrim i plotë 


Tërshëra është një lloj drithi i cili ngjan shumë me grurin. Në treg ajo mund të gjendet e plotë (kokërr) ose e shtypur. Kohët e fundit ka gjetur përdorim të gjerë edhe mielli i tërshërës në përgatitjen e bukës, biskotave, kekëve, etj.

Dobitë shëndetësore që sjell konsumimi i përditshëm i miellit të tërshërës:

- Ul nivelet e larta të kolesterolit
- Përmban anti-oksidantë të fuqishëm të cilët parandalojnë sëmundjet kardiovaskolare.
- Nëse konsumohet në mëngjes, parandalon rezikun e infarktit në moshë madhore.
- Rrit dhe stabilizon imunitetin
- Balancon nivelet e sheqerit në gjak.
- Ul rrezikun për diabetin e tipit 2
- Parandalon kancerin e gjirit.
- Ndihmon rënien nga pesha (jep vlera ushqyese dhe kalori të shëndetshme të cilat harxhohen gjatë ditës).
- Nuk depozitohet si dhjamë.
- I jep energji trupit.

3 varjantet në të cilat gjendet tërshëra. Kokërr e plotë, e shtypur dhe miell.


Si ta konsumoni e ta shijoni në maksimum:

Një vakt i shëndetshëm për mëngjes. Nëse ju përgatisni bukë, biskota, kek apo pancakes (petulla amerikane) me miell tërshëre, ky do të jetë mëngjesi më i shëndetshëm në botë. Buka e tërshërës shoqëruar me avokado, djathë dhe domate i jep trupit vlera ushqyese dhe energji për të përballuar aktivitetin ditor. Pancakes me fruta dhe mjaltë organik, janë gjithashtu një zgjedhje shumë e mirë. Ndërsa kafen apo çajin, shijojeni me kek apo biskota tërshëre.

40 gramë miell tërshëre përmban këto vlera ushqimore:

Mangan - 96%
Fosfor - 29%
Bakër - 27%
Biotin - 26%
Vitaminë B1 - 25%
Magnez - 17%
Fibra - 17%
Krom – 15%
Zink - 14%
Proteinë – 13%




Miell tërshëre të papërpunuar (100% natyral, integral) gjeni në dyqanin Bimë Mjekësore.


Mundësuar nga Firma ''Arbëria''



300 gramë – 2 00 lekë



Adresat ku mund të porositni Produktet e cilësisë së parë, ''Arbëria''.




1- Tiranë - Dyqani Bimë Mjekësore - 30 metra mbi Qendrën Stefan (mbi Pazarin e ri) përballë me Eurodenta. Nga e HËNA - SHTUNËN. Ora: 12:00 -19:00.

2 - Durrës - Bimë Mjekësore Durrës - Produktet Arbëria


3 - Fier - Bio Shop Krista

Ju mirëpresim!


Friday, January 27, 2017

African Shea Butter

Material nga: Arbëria

Ky është paketimi i firmës ''Arbëria''.  Enë qelqi, i vetmi paketim që ruan të gjitha vlerat e produktit, higjenik dhe super praktik.


Burkina Faso - Afrikë. Vendi ku rritet Shea butter dhe Mango.

Njëherë e një kohë në zemër të një kopshti të egër, një mbretëreshë e njohur për bukurinë e saj hyjnore rrëmbente një balsam aromatik nga arrat e një peme.

Pema e arrës Shea.

Veçanërisht e apasionuar pas kësaj peme të egër por të shenjtë, shekullore dhe zemërgjerë, mbretëresha vendosi ta pagëzonte këtë, si pemën e saj të ''Shenjtë''.

Shumë kohë më vonë, zbuluesit gjetën vendin magjik dhe sollën balsamin e çmuar të quajtur gjalpi Shea.


Të mirat e gjalpit Shea.


Gjalpi shea ka qenë ndër shekuj universal dhe i pazëvendësueshëm për vetë cilësitë e tij ultra-kurative.

Ai zbut, ushqen e hidraton lëkurën dhe flokët, mbron dhe rigjeneron, rinon dhe rifreskon fytyrën dhe trupin. Shea është shumë e pasur me Vitaminë A, D, E, F dhe K. Më e veçanta e shea butter'it, është përmbajtja Natyrale e Keratinës - Rigjeneruesi thelbësor i flokëve dhe lëkurës së dëmtuar. Të gjitha këto veçori e bëjnë Shea'n një ''must have'' për ritualet e përditshme të bukurisë. Gratë afrikane e përdorin për gatim në ushqimet e përditshme. Ato më shumë se kushdo në botë, ja dinë vlerat kësaj mrekullie të natyrës.


Nga vjen Shea Butter?

Pema e frutit Shea rritet në mënyrë natyrale në Savanat e Afrikës Qendrore dhe Perëndimore kryesisht në Burkina FasoMali dhe SudanBreza të ndryshëm shijojnë të njëjtën pemë misterioze e cila rritet mrekullisht e shëndetshme prej shekujsh.

Në brendësinë e saj arrat Shea përmbjanë gjalpin e mrekullueshëm balsamik, në ngjyrë të verdhë intensive. 

Nëse ky gjalp nuk ka ngjyrë të verdhë të plotë dhe aromë të fortë, nuk është 100% natyral por i përpunuar. 


Për të sjellë më të mirën tek ju jemi lidhur direkt me kultivuesit e gjalpit Shea. 
I papërpunuar, me aromën karakteristike natyrale, gjendet në dyqanin tonë.


Në dyqanin Bimë Mjekësore gjeni Cilësinë e Parë të këtij gjalpi, mundësuar nga Arbëria.

100 gramë - 10 mijë lekë të vjetra. 


Ju mirëpresim :)



Sherebela - Salvia officinalis

Salvia officinalis: Sherebela. Familja: Labiatae.


Ky material është shkëputur nga Libri ''Bimët Mjekësore dhe Shëndeti''.

Të gjitha të drejtat i takojnë firmës  Arbëria

Nuk mund të riprodhohet pa Autorizimin e stafit tonë!

Ilustrim i detajuar i kërcellit, gjetheve, luleve dhe fryteve të sherebelës Viti 1900.

Vetitë dhe mënyrat e përdorimit.

Sherebela është një kaçube e vogël, 0.4-1.2 m. e lartë, gjithmonë e gjelbër, shumëdegëshe dhe me kërcell katërqoshesh në bazë. Në Shqipëri rritet me shumicë në shpate gëlqerore kodrash e malesh, që nga Delvina deri në Mbishkodër, duke përballuar më së miri thatësirën. Në kohën e lulëzimit, në lulet e sherbelës bëhet një panair i mrekullueshëm nektari për bletët, sidomos nëse para ose gjatë lulëzimit bie ndonjë shi.

Pjesë të përdorshme: Gjethet dhe nektari i luleve.  Në maj-qeshor, në ditë me diell, duke filluar para lulëzimit, është koha më e mirë për të mbledhur gjethet e sherbelës, të cilat këputen bashkë me majat e degëve, të mbuluara me gjethe të mëdha e të vogla.
Mund  të bëhet edhe një mbledhje në vjeshtë, por nuk është mirë të punohet në të njëjtën hapësirë të shfrytëzuar në pranverë, sidomos kur vera është  e thatë.

Cilësitë kryesore vepruese: Stomatologjike, antihidrotike, kolagoge, dermike, adstringjente, antiseptike, sedative (e sistemit nervor qendror) antioksidante, karminative, antispazmodike, antibiotike, tonike, diuretike, antisudorifike, kardiotonike, dekongjestionante, etj.

Qëllimi i përdorimit:

Thuhet se përdorimi i sherebelës sjell në familje mirëqenie. Mbase jo më kot quhet bimë shpëtimtare. Sipas një legjende pa origjinë të saktë, përdorimi i sherbelës të bën të pavdekshëm.

Përdoret:
- si tonik i përgjithshëm. (Në lashtësi është besuar se një majë degëgjethe  sherbeli e konsumuar çdo ditë në maj, të bën të pavdekshëm);
            - për të qetësuar sistemin nervor qendror;
           - për të pakësuar ankthin;
- për të stimuluar tretjen;
- për të lehtësuar probleme të tretjes;
- për të përmirësuar periudhat menstruale.
- ndihmon gratë në menopauzë që të mos djersijnë gjatë natës, në gjum. (Për këtë qëllim pihet një çaj i ftohtë në darkë, para gjumit).
- për të pakësuar qumështin në gratë me fëmijë në gji;
- për të qetësuar kollën në ftohje dhe në gjendje gripi;
- për të qetësuar irritimin në fyt;
- për të shtuar fluksin e tëmthit;
- për të forcuar kujtesën;
- e favorshme për diabetikët me përqindje të lartë sheqeri që nuk përdorin insulinë;
- për të mjekuar mishin e dhëmbëve që rrjedhin gjak;
- për të mjekuar aftën;
- për të mjekuar erën e keqe të gojës;
- për të zbardhur dhëmbët, (e bërë pluhur dhe e bashkuar me pastën e dhëmbëve);
- për të shplarë (në formë çaji) e mjekuar plagë të reja e të vjetra, (në formë infuzi vajor, pomade ose pluhuri);
- për të shplarë kokën përdoret në formë infuzi, për të penguar rënien e flokëve dhe për të errësuar ngjyrën e tyre;
- gjethet e freskëta të shtypura e të vendosura mbi lëkurën e dëmtuar lehtësojnë dhimbjet nga pickimi i insekteve.

Përdoret gjerësisht edhe në kuzhinë dhe në industrinë ushqimore.

Mënyra e përdorimit:

Përdoren gjethet,  të freskëta, ose të thara:

- Në formë infuzioni: (7-10 gr. gjethe të thara, ose 30-50 gr. gjethe të njoma, në 500 ml. ujë).

Përgatitja: Marrim 3-4 lugë kafeje me gjethe të thara, të grimcuara (nëse janë të njoma duhen dyfish më shumë, prandaj, nëse keni mundësi përdorni mënyrën me peshim) dhe i përziejmë mirë me gjysmë litri ujë të nxehtë pa klor, në një enë qelqi ose porcelani. E mbulojmë enën dhe e lëmë në qetësi 15-20 minuta, pastaj e kullojmë lëngun dhe pimë një fixhan çaji, tre herë në ditë, të ëmbëlsuar me mjalt, ose me sheqer.
Të njëjtin infuz, por pa sheqer, mund ta përdorim edhe për shplarjen e flokëve, ose të plagëve.

- Në formë tinkture 20%, në alkool 70 gradë, marrim 5-15 ml. në ditë.

- Pesë gram pluhur i përfituar nga thërmimi i gjetheve, i përzier me tre lugë gjelle mjalt natyral, përbëjnë një ekspektorant shumë të mirë. Përdoret një lugë gjelle në mëngjes dhe në mbrëmje.

- Për të hequr lodhjen dhe ndjenjën e stresit dhe të presionit nga bota e jashtme, bëhet një banjë në vaskë, në ujin e së cilës hedhim paraprakisht 4-5 duar gjethe sherbeli.
        
- Kundër kollës më rebele dhe kundër katarrit të rrugëve të frymëmarrjes përdorim këtë përgatesë: marrim 100 gr. gjethe sherbeli, 100 gr. sheqer dhe gjysmë litër verë të bardhë rrushi, i hedhim në një enë inoksi ose porcelani dhe i ziejmë për 20 minuta. Pasi përfundon zierja e kullojmë dhe lëngu mjekues është gati për përdorim. Pimë nga një lugë kafeje çdo 2-3 orë.

        - Nëse fërkojmë dhëmbët me gjethe të freskëta sherebele, kanë shumë përfitim, si për zbardhje edhe për forcim.

- Kundër djersitjes në gjumë, përdoret çdo mbrëmje infuzi i përgatitur me një lugë gjelle gjethe sherebele në 150 ml. ujë të valuar. Pihet i ftohtë para fjetjes.

- I njëjti infuz (në këtë rast pihet i nxehtë) shërben për të kuruar edhe çdo sëmundje të gjoksit (ftohje, etj.).

Kujdes!

- ka njerëz që janë alergjikë ndaj sherbelës dhe duhet ta evitojnë atë;
- ata që vuajnë nga epilepsia nuk duhet as të kenë kontakt dhe as të përdorin preparate të sherbelës;
- gratë shtatzëna nuk duhet të përdorin sherbel në asnjë rast;
- nënat me fëmijë  në gji duhet të kenë parasysh që përdorimi i sherbelit ul prodhimin e qumështit;
- përdorimi i brendshëm i vajit esencial të sherbelës nuk duhet të bëhet pa këshillën e mjekut.

- I përdorur në dozat e rekomanduara, sherebela nuk krijon problem nëse merret njëkohësisht me preparate farmaceutike që u nevojiten njerëzve për  probleme të ndryshme shëndetësore.


Bimën dhe vajin esencial të sherebelës i gjeni në dyqanin Bimë Mjekësore, prodhuar nga firma  ''Arbëria''.

Ju mirëpresim vetëm 30 metra mbi Qendrën Stefan (tek pazari i ri), përballë me Eurodenta. 

Orari 12:00 - 19:00.




Wednesday, January 11, 2017

Smoothie e ngrohtë për këto ditë të ngrira


Recetë Vegane, Pa Gluten.

Kakao pluhur puro (bio-organik) gjeni në dyqanin Bimë Mjekësore.



Përbërësit:


1 1/4 filxhan (300 ml) qumësht bajamesh të përgatitur vetë 
(ju kemi mësuar si ta përgatisni vetë në shtëpi dhe arsyet pse)

1 lugë gjelle (16 gramë) copa çokollate të grira (çokollatë të errët, pa gluten)

1 lugë gjelle (15 ml) mjaltë organik

1-2 lugë gjelle (10 gramë) kakao pluhur puro, të pa ëmbëlsuar, 
të papërpunuar (kliko ---> Bimë Mjekësore)

1/2 filxhan (40 gramë) tërshërë

1 banane të vogël

1 lugë gjelle me vaj kokosi (kliko ---> Bimë Mjekësore)


1/2 lugë kafeje ekstrakt vaniljeje ose kanellë pluhur




Përgatitja:

Si fillim ngrohni qumështin e bajames. Hidheni në blender e më pas shtoni një nga një përbërësit e tjerë. Përziejeni deri të gjithë përbërësit të lidhen mirë. Hidheni në një gotë dhe pijeni menjëherë. Kjo recetë smoothie plot kalori të shëndetshme është e mrekullueshme. Këto kalori të gjitha prej ushqimesh natyrale do të kthehen menjëherë në energji dhe trupi do të ketë rezistencën e duhur ndaj të ftohtit. Për më tepër, ngrohtësia e tij do t'ju bëjnë të ndiheni të ngopur për një kohë të gjatë.


Vlerat ushqyese që përmban secili përbërës do t'i japin trupit energji, mbrojtje, rezistencë, forcë dhe vitalitet.


Provojeni që nesër në mëngjes para se të dilni nga shtëpia.